sike mute1-ale mute1 tu-tu. mun tu-tu. suno luka-luka luka-tu
tenpo mute weka la jan li seli e moku ona
pilin uta la ona li pona taso ona li kiwen
ni la jan li ken ala moku e ona kepeken tenpo lili
jan li kama sona e ni: ona li ken seli e telo
telo seli li ken seli e moku kin
taso tenpo wan la jan li kama jo e selo soweli
ona li pana e kasi pan e telo lon insa pi selo soweli li pana e ni tawa seli
ni la ona li kama moku telo
telo pi moku telo li moku pona
ona li pona e sijelo e pilin
kin la jan li ken moku e ona kepeken tenpo lili
nasin ante la jan li pana e kiwen tawa seli la kiwen li kama seli
jan li pana e kiwen seli tawa telo
ni la telo li kama seli li ken seli e moku.
ken la kiwen lili li pakala li tawa telo
jan li pana e moku tawa telo kiwen li awen e ona lon ni la moku li ken pona mute e sijelo ona
awen la jan li ko e ona
jan li kepeken ni la ona li ken pali e pan lipu li kan pana e ona tawa moku telo
tenpo ni la jan li jo e poki seli
kepeken la jan li ken pali e moku telo mute kepeken tenpo lili
(c) 2024 noelle rubalcava
youtube twitch 小红书 (rednote) bluesky instagram discord tumblr patreon